2023年11月14日

 薯薯(aka 叻叻B、運財童子、落難王子、靚仔BB)

當時第一次見你時你冇哂毛，又瘦，個樣得對大眼睛。到之後開始肯翻肚，成日都笑，又會識俾five我。不過一直無變既係你唔會錫人。

個個都好鍾意你，因為你性格最好，任人摸又唔吠。只眼好大又好似會發光咁。幾年前既大病，醫生要你安樂死，我唔肯情願你返屋企有我地陪。點知奇蹟發生，你咩事都冇，仲要性格大變，大膽左又周圍行問拎野食。你係個包包痴，最鍾意食包包，又會養生，次次一起身會去飲水，唔去左wee wee poo poo都唔會肯食野。

上年家姐走之後，你身體都開始變差，到幾個月前俾D蟲影響哂你既免疫力，漸漸冇哂笑容，仲會抽筋同暈，好多次以為唔會再見到你，但你都好叻仔過到。前日同你去完玩，之後第2日你就唔食野，都有預感。當你連你最鐘意既水都唔飲，到尋日都冇力行。我地都知道明白係時候。

你一直等，應記得我叫傳心姐姐同你講既野，等大家都訓時你先走。姐姐話你最貪靚，最鐘意人地話你靚，鐘意扮靚著衫。你永遠都會係我最愛最靚既唯一仔仔。

天氣凍

 薯薯

一天氣凍有變，我條氣管就好敏感會成日咳。之後就唔想食野喇

不過講開食野，我最鍾意係魚仔餅，真係好好味架。不過呀妹成日都食得好快，我就每粒都食左D先，有我既口水味。我係要等媽媽整好哂先食，想佢分多D俾我，不過佢一行開我就要開TURBO，唔係呀妹就走過黎。

妹好麻煩架，佢地一出街佢就吠..之後就一野撲黎我度，次次都撞我。又成日係房門口等我入去又撞我，不過爸爸媽媽次次都會鬧佢。但冇用架，佢好蠢係唔會變架。之前傳心個姐姐話我好簡單，只要有人不停贊我靚仔就可以。係呀，我係全世界最可愛最靚既叻叻開心小BB。媽媽成日都係咁叫我既。

小QUEEN

我真係日日夜夜都要痴住媽媽架，訓覺我會係佢側邊，make sure哥哥唔入黎，如果佢入黎，我就成個身整開佢，唔俾佢行近媽媽。我當媽媽係白粉，上癮架，要成日鍚鍚抱抱。佢一抱哥哥我就唔開心架，我要佢抱我呀

我咩都食架，總知佢俾得我既都食。好味呀，不過成日見呀哥食得好慢，好想幫佢食囉。

我成日要出街架，其實係佢地去邊我都要去，不過坐車車有時會嘔架。唔得架..好暈暈架

 最愛既波仔，

今日係你既16歲生日亦都係你離開咗我一個星期。

好開心你由2007年3月4日開始成為我既女兒。你一直都好乖，不過對其他人又好惡死，熟我既人都可能以為你只係成日吠。但其實你最乖，初次係精靈見你，老闆已經話你係大家姐。

帶過你去好多地方，見過好多人同狗，你因為貪食細細個就學識「坐」同「手手」。之後因為要鍚我就自己學埋「請請」。你最鍾意strawberry、去婆婆度搵龜龜、咬青蛙仔、食骨骨、八哥朋友仔、去公園追鳥。仲記得你第一次訓我張床，朝早你唔願起身。你一直無咩病痛，估唔到由10月開始第一次暈倒，到12月之後連飲水、食野，到最後一日連行多幾步都會暈倒。會變得咁快。

你好乖，最後係訓覺時離開，怕我地睇住會傷心。臨訓前同你講野，我知你明白唔想大家都辛苦，所以好乖乖咁真係去訓。

你永遠都係我既波仔，最愛既寶寶。如果，有下一世，希望有緣份一齊。如果，真係有彩虹橋，你一定要等我，到我既日子時黎接我。

今日個生日蛋糕一早訂左，而家就只好等細佬妹妹幫你食埋。不過我知道你會永遠都係我中。

薯薯小queen接力

 由今日開始由我地薯薯同小queen接棒

我係薯薯呀

呢幾日好凍呀，我已經著左衫衫，但daddy都成日要我做大俠，好多大人初圍住我。尋日我同妹妹去沖涼，第一次冇家姐陪。我做左大呀哥呀，我地都乖呀。之後返到屋企好攰呀，訓到夜晚有個生日蛋糕，係家姐架

我同呀妹知道係家姐，好乖坐低等，冇搶食。平時呀妹已經一野食左喇，今次知道係家姐既，我同佢都好乖坐低等。

上星期見到家姐訓左，唔郁。爸爸媽媽係咁喊，我就行埋去陪佢地坐‥

我係小Queen呀

我食野就最緊張架喇，周圍轉黎轉去，驚佢地唔記得俾我食呀。另外佢地一出街我就要出架，我唔理架，我要痴住佢地，佢地去邊我就去邊架

Bye Bye

 我係2022年12月11日零晨2:30左右去左rainbow bridge搵chin chin 同的的哥哥呀

由10月開始冇成成暈低..之後12月開始食野..飲野..都最後個日連行多小小路都會暈低

個心唔夠力pump 血上腦..我breath唔到同冇力呀

爸爸媽媽好緊張我..係咁整我要我醒

其實..呢幾年..我個心都唔係太好..唔可以太激動呀..所以成日都自己一個係房..間房係我架麻..係成日會走出去..驚佢地食野唔預我呀

爸爸媽媽都會每星期帶我地出去..由得我地自己行..好開心架..之後又有包包食

另外本身去開沖涼個度..都冇埋..不過去左另一間..好好玩..我都好LIKE架

呢幾年我都冇鍚媽媽..同唔俾佢抱喇..因為個心好唔舒服..同埋媽媽次次都搞我D毛..同埋我一行去媽媽度..個只小queen又要走埋黎..之後細佬又要黎..好煩架佢地2個

個只queen成日周圍跑又唔理我，係咁撞埋黎，真係激死

我之前都有教訓佢架..有冇搞錯，冇大冇細..我先係大家姐呀

佢只野..學哂我D野..又錫媽媽又要成日抱..同我細個一樣

我大個喇..唔駛佢地擔心..所以呢幾年都好獨立，成日會入房房訓

之後只腳冇咩力..就冇再上sofa同床喇..不過都會有得出街街

醫生都話我叻架..冇其他病..係老人病囉..個心大左D..同只後腳冇咩力

個晚媽媽最後訓前同我講野..我記得..佢要我乖唔好周圍行要訓覺

個晚媽媽餵我食左雞mousse，早晨食條條..雖然我之後都暈左..但好開心..我最LIKE食野架

我知佢地好唔開心..仲有D自責..但我都差唔多16..好叻叻喇..仲要其實訓左就去左rainbow bridge..希望佢地好快冇野..另外細佬妹妹要健康要乖乖

很久不見

好耐冇記低..好多事發生呀..自從薯薯出現之後..我地冇幾耐就去左婆婆度住..一家4口訓埋一間房..好開心架..因為婆婆有時俾D脆既片片我食..又有雞蛋..但你地知我架喇..人地一行過的就要叫人架麻..佢地整D嘈DD既聲我就要吠吠架..話佢地知我唔LIKE囉..小霸王黎架麻

之後就去左一間好大既屋喇..我好開心呀..有時見佢地嘈..特別個只薯呀..唔鍾意佢..我就自己走去間房仔度訓..我見我D床仔同衫衫都係個間房架..我想靜下就會自己去訓架喇..不過平時多數都係痴住爸爸媽媽

個只薯薯呀..成日要媽媽抱..但又唔知自己唔乖..周圍痾..我真係唔LIKE佢架..有時又搞我..不過見佢都幾乖..成日唔食哂D野..等我可以食..而家佢叻左架喇..自己幾時要一齊夾攻爸爸食野..幾時要一齊扮可憐..如果佢唔係成日痾痾..同唔好成日搞我..佢都OK既..至少我多左野食麻..HEHE

我近年成日都錫媽媽..一有機會就去錫媽媽個咀..我一邊錫佢一邊摸我同我講野...我好LIKE架...另外就訓之前一定要有GOOD NIGHT KISS囉..有陣時人地預備訓覺豬..點知佢地講野WOR..咁我就又要去錫錫..

薯薯與我

近日好忙呀..周圍去
放工就帶我去薯薯度..我仲未like佢架..不過知道mommy好like佢..成日抱佢既
佢呀..跟住我..成日copy我..又跟我一齊吠wor..激死人喇
不過呢..同佢玩都幾開心既..但就好攰架
次次返到去都好快訓

個日佢地仲帶埋黎我屋企呀..哼..佢周圍走我都算..仲想上床wor..當然唔得喇..張床係我同mommy架..我點都唔俾佢上床訓架