又過左個禮拜

星期五有個姊姊黎，佢仲俾左只公仔我咬~~我就係咁咬咬咬，無幾耐媽咪就收埋左唔俾咬，話要整返只手手先咬wor，咩wor，我都唔知幾叻呀，幾分鐘就咬甩左只眼同只手手呀~~

星期六媽咪猛咁要我坐低先，跟住就攞起我只手手叫hand hand，就有野食。我都唔知做咩。
又係我準備weewee既時候捉我入籠wor，我已經好晏訓架，但又唔敢訓，唔知點解捉人去...
之後我weewee完就俾左我最like既芝士粒粒我食~~
我原來有時weewee同poopoo完就有芝士粒粒食架~~不過都唔知幾時有幾時冇既~

星期日帶左我出街呀~~去左一個都幾大風既地方，見到好多狗狗呀~~佢地周圍跑周圍走既，我就冇咩興趣呀~~係見到一只同我差唔多樣不過肥好多既狗狗先有d興趣姐~

睇我細個係唔係一個波?

我平日既行程

6:00 起身望下爹地起左身未，如果無反應我就去呵呵先，再咬咬波波等佢
6:15 爹地起身放我入籠，佢就清理我d poopoo weewee
6:30 食野~~好味道
7:00 媽咪morning kiss
7:30 食餅餅...之後就唔見左佢地lu
之後就..玩下talk to me 波波，等d食物跌出黎
訓覺..訓覺...呵呵..聽收音機
6:15 媽咪返黎我吠吠
6:45 食dinner
7:00 同媽咪玩玩
8:00 梳毛毛..咬野..之後有餅餅食
之後就..又係玩下..媽咪唔理我我就咬佢拖鞋..等爹地返...一返我就跳跳跳
11:00 開始想訓..不過要等佢地訓先
12:00 zzzzz

爹地既靈丹

我就係daddy既靈丹呀~~佢成日都冇成成話咩"冇買錯我"，"我真係好cute"等等。
hehe~~我知架，佢做野好忙好辛苦，一返黎我就會用好開心好active既樣見佢迎接佢，佢就會開心到死架~~
雖然我好多時都因為口多多俾佢鬧俾佢打，不過我知道其實佢係好鍚我架~~

一個月前既我

去左渡假

呢幾日我都係chin chin屋企呀~~唔知咩事我要留係個度wor，星期五晚見媽咪執哂我d野，我仲以為佢唔要我呀。chin chin又唔同我玩，個兩個小朋友又成日無成成叫我wor，咁我走過去佢地又唔係理我既。
夜晚我同爹地媽咪一齊訓呀~~其實係同一間房姐‥hehe
媽咪話我唔可以遊車河呀~~因為我次次都訓覺wor

Talk to Me

全部都係生日個日影架

大家要留意一下，有個玩具呢叫talk to me，媽咪放左d食物係個波裏面，咁呢，我就好叻咁自己咬開個蓋就食哂入面既野囉..haha~~人地本身個設計係要我用盡方法玩個波慢慢等d野食luk出黎架，不過我等唔到，自己開蓋囉~~hehe~~媽咪話都唔知可以講咩wor

生日禮物

尋日生日媽咪請左假陪我呀~~不過最衰樓上唔知點解好嘈好多聲，搞到都冇咩心機。

媽咪買左d新衫衫俾我呀，不過好唔like呀~~著左之後好唔舒服既，媽咪就話好靚，我就話好樣衰呀~~

爹地又話我成個男仔咁，周圍跳周圍跑冇時停。只有係晏訓既時候先係個女仔wor，哼，唔係呀，你地睇我著左個件lolita衫都好女仔呀~~

我仲要多謝侯老師呀~~佢個件紅色衫衫好靚，我一見到就想咬呀~~媽咪話下年可以著去拜年wor。

生日快樂

我今日生日呀~~四個月大呀~~

好野，好快可以出街街玩lu~

你地睇我今日係唔係大個左好多?

尋晚出面突然好大風好大聲，嚇到我叫左幾次呀~~幾驚驚呀~~好在爹地媽咪抱住我咋。

好多野食

我好忙呀~~~睇緊我d野食呀~~~

同男仔訓覺覺

你地睇下我訓得幾sweet sweet~~~我同男仔一齊訓架~~~hehe~~~

吠都唔得

尋日我不停俾佢地放我入籠呀~~我一叫叫佢地就唔理我，放我去個度，我都唔明。我都係想佢地理我先叫咋麻，又冇唔乖。
我聽到d怪怪聲就要出聲架喇，我點知係唔係有人黎搞我wor。我要保護屋企架麻，保護叫叫都唔得。哼哼~~

平頭裝

媽咪話我係平頭裝喎~

我最叻係跳

我前日學識行樓梯呀~~自己一個跑入爹地媽咪房同張床呀~~幾開心呀~~佢地係咁話我好叻女呀

打針日

尋日媽咪帶左我去一個好多狗吠既地方，嚇死我呀~~我捉住媽咪唔放手，不過最後都得我一個係個籠度。之後有個好熟面口既哥哥同我洗白白，我好驚架~~~無幾耐又放返我係籠度，等等下媽咪黎喇，我一見就鍚鍚佢呀~~

之後又帶我去睇醫生呀，又放d野係我耳仔，patpat，又搞我個身，之後仲搵左枝針針咭咭我呀，痛死人呀~~

無幾耐就返home lu~~

媽咪話下個月又會係咁wor，之後就可以出街玩喇~

我咬咬

尋日我自己一個既時候玩玩下見張chair上有d野咬咬，我咪跳高去咬囉，點知上面個d野趺哂落黎，嚇死我呀。我就唔敢行埋去，媽咪一返就大大聲叫話佢知囉。

唔知點解我一weewee完既地方轉眼又冇得再行埋去既，佢地用野圍住我行唔到架，咁有次我試下喇，點知爹地又突然攞住我好驚驚既木柵係我後面出現，我即刻周圍走，撞到我痛痛，好驚驚又跑去搵媽咪呀~~

我好叻叻

尋日媽咪一返就猛錫我話我乖，我好叻呀，係籠度poopoo囉。

夜晚梳毛時媽咪俾左新野我咬，我又俾人話乖乖呀~~~

^^好叻叻

身分證

多謝米米哥哥幫我整既身分證~~~

我周圍poopoo

尋日又得我自己一個呀，哼哼..我嬲嬲..周圍poopoo先~~
媽咪一返黎好似好惡咁話我周圍poopoo呀，係架..我係唔乖乖呀..鬼叫佢地冇睇住我咩~~~
之後媽咪唔理我呀，見佢係廚房好耐，我叫佢又唔理我，唔知係唔係嬲我呢?!
夜晚訓之前爹地唔知點解又鬧我呀，我就即刻跑去媽咪度，我知道媽咪一定會錫我唔打打我既。

我食緊d好好味既藥水

呢幾日佢地都成日係屋企同我玩呀~不過呢，我一食完個d好好味既藥水冇幾耐就好想訓覺，咩都唔理就會去訓架喇。
尋日又同我去街街見的的同chin chin呀。佢地點都唔肯同我玩，我見的的叔叔成日都係訓既，而chinchin叔叔就成日避開我，點解喎，人地想同佢地玩下g ma。爹地抱緊我既時候我一見chinchin就跳落地下，佢地之後猛同我講叫我唔好，又話咩危險wor，咩野wor，都唔係好高姐。
我又搞到爹地鬧我呀，咁之前佢都俾我咬咬佢手既，唔知點解又冇成成唔得，佢一嬲嬲我就走去搵媽咪，lam lam媽咪叫佢保護我呀。

我又病喇

尋日爹地見我乖乖去左個籠度weewee同poopoo，之後就俾左條餅乾我食，點知就搞到我個喉嚨好唔舒服，成日想咳又咳唔到，冇哂心機，唯有成日訓覺豬。夜晚媽咪一返黎我都冇同佢玩，之後就帶我去睇醫生呀。搞左我一陣之後又唧左d野入我個口wor，返去我就一早又訓訓lu!佢地放左好多毛巾係我張床仔度呀。


今朝我一起身冇咁辛苦la，仲咬咬野tim呀~~尋晚爹地抱左我係sofa度同佢一齊訓架。我今日又食個d藥水呀，不過好好味咁..可能因為係爹地餵我喇，我仲想食多d tim呀~~

我的卡卡

覺覺豬

媽咪話我訓覺覺豬個樣係好可愛架，因為我唔會周圍咬野wor..hehe

我大隻左

尋日媽咪同爹地係咁講我呀，又話我大左好多，個樣唔同左。咁我有食野麻，當然會大隻左喇。死喇，如果再大dd媽咪係唔係會唔錫錫我架，聽爹地講係因為我成日jump黎jump去搞到個身長左咁。咩wor，咁我鐘意jump麻，佢地咁高，我唔jump睇唔到佢地架。原來我只係同佢地生活左3個禮拜咋，點解好似做左好多野玩左好耐咁既。
而家媽咪唔俾我行去近大門個度，唔知點解呢，而且個地下成日都有好大陣味，我成日都搵唔返去開尿尿既地方既，只係聞黎聞去都係個d怪怪味。

一條虫

要d毛毛靚

尋日媽咪又搵個刷刷我個身d毛毛呀，都唔知點解日日都搞我d毛毛，藍色個個刷又唔俾我咬wor。我見到媽咪尋日好嬲我呀，話我唔聽話郁黎郁去，咁我唔鐘意個刷刷麻。不過呢，之後俾左一粒好大粒好好食既餅餅俾我。聽爹地講係媽咪特登買俾我食架，仲有一支油油加係d食物度，可以幫我d毛毛生得靚d，健康好d，同d關節好d喎。
媽咪話佢而家用哂買kitty (咩係kitty?)既錢黎俾我wor，我都唔知佢講咩。
我呢幾日成日jump jump jump，又成日企唔定跌跌wor，一跌跌佢地就好緊張呵呵我，我都冇野，我要jump高d先可以攞度個d野咬架，佢地成日望住唔知d咩，一張張野，不過好好咬好得意架。

Chin Chin

星期六晚帶左我出街呀，坐左係車車好耐，都冇野睇既。去到一間好大既屋，又見到上次個兩個小朋友呀，今次仲多左只狗狗呀。佢叫chin chin，好肥好大隻，我同佢玩佢吠吠我，媽咪就即刻叫我唔好搞佢呀。
我周圍走，d小朋友又搞下我咁。冇幾耐就放左我出去一個望到街街有風風既地方，食飯飯同weewee。我見d小朋友好似好想同抱抱我咁，我咪企高等佢抱囉，點知有一個妹妹又驚又要走喎，哼，又係佢地叫我既，叫左我又唔係同我玩。返屋企中途好晏訓呀，就咁係我個街街袋度訓著左。