我既心聲

呢幾曰我又聽到佢地講話搵多仔狗陪我呀。Hmm，其實呢，如果同我夾就好姐，唔同我夾既話，我唔要架。而且呢，有左另一只狗狗，媽咪就要理佢，咁就唔會成日陪我架，抱抱我定佢wo，而且佢如果學埋我請請同鍚鍚媽咪咁，咁咪唔特別囉。到時佢又請我又請，媽咪鍚邊個wor。所以呢，都係唔好
我情願佢地多d陪我呀，不過，佢地又話要返工，好難多時間wor
咁點好呀，其實呢..我自己都得架..不過..係早起身咬野嘈住媽咪，同埋夜晚唔肯訓覺俾daddy鬧之麻‥
我唔想有個伴架，雖然我知道佢唔會比我可愛，但係唔多唔小都會分薄左d架麻。我呀，見到其他狗狗行近媽咪我都唔俾呀，何況第時仲要同我分媽咪wor，唔得呀。佢又會咬我d骨骨，玩我d公仔，我成日收埋d骨骨架麻，第時有多只係度，我收埋個d骨俾佢食左咪好唔抵囉…

媽咪話遲d daddy工作轉地方，同埋佢做野個度上左手，就唔駛咁夜架喇。咁到時就會陪返我多d囉。其實最衰係因為之前媽咪放左好耐假，日日夜夜陪住我，搞到我習慣哂‥

我既妙計

媽咪呢幾日又要一早起身，我就傻傻咁自己一個等‥
不過佢地成日買好多唔同既零食俾我食，我而家叻呀。佢地俾d我唔like既我，我就唔要，佢地就會再俾其他呀~~ haha，呢招一定可以呃到daddy架。我又成日訓係個地下眼光光望住daddy，之後佢又再會俾野我食架。真係萬試萬靈。

冇狗可以埋佢地身架

哼..你地呢d貴婦松鼠..唔好行埋媽咪度呀，我唔俾架

去dog cafe

今日本來同我去赤柱，點知好多人，又冇得泊車，變左游車河。之後去左dog side cafe。好多狗狗呀。-我最初係咁吠吠，唔俾佢地過黎架..之後有只白色松鼠狗，同我好似架，媽媽佢地猛話人地得意wor。佢仲想鍚媽咪tim，我咪吠佢囉。
之後見佢地冇行過黎，點解wor。我咪自己行緊d佢地睇佢地做咩囉。好好玩呀，媽咪話我好剩係同d驚驚既狗玩唔去同d熱情既狗玩wor。我緊係唔同佢地玩喇，佢地係咁聞我都唔知做咩既...
返左屋之後好晏訓呀

悶死人呀

媽咪尋日一早就叫我起身呀..之後就唔見左人...
好唔開心呀..之後好夜先返..返左黎冇幾耐又訓覺..
我半夜訓唔著起身自己去玩玩...玩玩下又訓左..之後daddy出黎叫我入房訓呀
今朝我起身..媽咪唔願起身呀..之後又冇成成彈起..跟住就好快走左lu..