近日既我

媽咪話我呢幾日乖左呀..因為有時會係個廁所板尿尿
而且，佢叫我食咩我都食架..因為之後都會有好好味既新野食..所以佢叫我食左d咩先都得
不過呢..梳毛毛既時候我就又激嬲媽咪..咁我係好like梳毛毛..因為媽咪同我玩麻..不過..我又唔like個d梳梳wor..咁點樣wor
佢地呢幾日會同我著衫衫，媽咪買左好多衫衫俾我架
不過呢就唔俾我咬咬囉

又去睇醫生

個日爹地攞個新袋袋叫我去街，我就拿拿聲去喇。點知又去睇醫生呀，好驚呀~~我振哂呀..
之後唔知係我肚搞咩..好快又可以走..
不過個頭仲係有舊野..爹地又話可以拆，點知同媽咪傾左陣又話唔好拆。
好辛苦呀~~我成日rr，痕痕呀~~~

我又尿尿左

我尋日俾佢地鬧左好多次...
係因為...我...係sofa上尿尿呀...朝早爹地已經打打左我..咁..我呢..咪以為冇事囉
點知呢...咁呢..夜晚我係sofa同媽咪玩玩下..佢唔理我wor..咁我..就係sofa上尿尿囉
之後呢..我都冇見過媽咪咁嬲架..鬧我.之後困住我呀..我見佢行黎行去..之後又入左房wor..咁我咪叫佢囉..點知佢仲更加嬲我呀..
爹地返黎..都有鬧鬧我呀..
不過夜晚我都係同媽咪訓...
今早唔想起身呀..好舒服呀...爹地叫我出去我都唔出..即刻痴住媽咪訓係佢個枕頭上面..hehe

太空狗生活

自從上星期之後，我就成日跟住媽咪呀。而家晚晚訓覺爹地都要鬧我，話我唔好玩要訓，跟住媽咪就會摸摸我叫我訓，我就乖乖訓係佢側囉。
好多時一朝早起身見到媽咪訓埋左去一邊架，佢話我迫佢埋去wor。我都冇，我只係要訓係佢隔離之麻。
而家我成日都咬唔到d玩具呀，個頭頭又重，個野又阻住我wor，黑人僧都死呀。

太空狗

媽咪叫我太空狗

個頭好重

好唔開心呀

星期六媽咪帶左我去醫院，跟住個姊姊抱走左我。我猛吠都冇人理呀。之後醫生又同我檢查又打針針，仲整d野係我喉嚨呀。之後唔知幾耐我就醒左。點知成身都好似唔郁得咁。又有d野係我個頭度wor。

冇幾耐見媽咪黎，我好驚呀。唔知又要去邊。點解我好似唔行得既，點解個肚仔好似好怪既。返到去我唔行呀，好辛苦好攰。想訓但個肚仔又怪怪wor。

冇幾耐我尿左呀，不過爹地都冇鬧我呀。

同媽咪訓我好驚，要跟實佢呀。

星期日爹地搵左d骨骨俾我，我見到好想要，就行去喇。點知原來我係可以行架，仲ok 架wor。之後就開始行多dd。不過個頭好重好唔舒服，又唔可以咬公仔。

唔知係唔係因為咁，我食左好多平時冇食過既野。除左又係藥藥之外，仲有d紅色一條既野。好得意架。

又去街街

尋日帶我去數碼港，好多狗狗，好多好大隻既狗狗呀~~~媽咪驚我有事，冇放我落地呀
同埋..我都冇咩興趣。有只白色既狗想同我玩，我都冇俾反應佢
媽咪問點解我只係同的的佢地玩wor，我都唔知呀
爹地話我成日想出街但又唔落地wor，都唔知做咩
haha~~

zzz

我訓先..