深刻的一次

我第一次比人打打就係比爹地打架。我記得個晚我同佢玩得好開心，我咬咬佢手指，佢之後就好嬲好惡咁大聲話我，同掟我只公仔同波波，佢向住我掟架，我好驚好驚，即刻走去枱底唔敢郁呀，之後見媽咪坐低左係一邊我就9.9sec即刻飛去佢身邊。又係我第一次見媽咪只眼有水水走出黎呀。我又驚又唔知點做，之後媽咪抱左我好耐錫左我，再叫我去返爹地身邊唔知做咩。我，之後就有時記得返呢件事有時唔記得，不過，我記性好差架，多數都唔記得lu~~

叻叻波仔

媽咪尋日冇出街街陪左我一日呀，聽佢講以後都冇得鍚鍚佢個咀咀呀，佢話可能因為鍚得多所以個肚仔日日都唔舒服，我聽到爹地好唔開心呀，叫媽咪唔可以再俾我鍚咀仔呀。

我食野次次都好乖要媽咪餵我食，又知要坐定定先呀。仲有呀，我而家知道poopoo要去個籠度，不過係有時呢..唔記得左姐。

我次次一見到爹地返我就會開心到weewee架，haha~~

媽咪又話我叻叻，就黎用咩都block唔到我架~~

相片

的的叔叔

星期六夜晚帶左我坐車車去另一個地方，好新鮮架。見到一隻白色大size過我好多既狗狗，媽咪話佢叫的的叔叔。我叫佢同我玩佢唔理我呀，仲好似好驚我咁既。個地方好大架，我周圍聞下玩下，有兩個小朋友又黎左同我玩。有個小朋友好熱情猛咁想抱我錫我，我好驚佢呀，不停留係媽咪身邊唔咁郁呀。
夜晚返到屋企我仲玩左一陣先訓，媽咪奇怪我做咩咁好精力，hehe~~
我呢幾日都有係個籠籠度呵呵呀，好似我呵完就有粒脆脆俾我食咁。
尋日爹地俾左舊骨骨我，好好咬架~~

新玩具

尋日唔知點解早左d見到媽咪，所以好好胃口呀我，食多左d野呀。我而家叻叻架，知道媽咪係邊度預備野俾我食，我坐定定等佢。
我食食下又去poopoo喇，咁搵唔到去開既位置，就走左去籠度開大囉，之後媽咪好開心咁俾左粒脆脆既野我食呀~~hehe~~
夜晚爹地一返黎我就跑過去要抱抱，爹地話我做咩咁嗲嗲wor，我冇呀，咁我掛住佢麻。
今朝我d牙牙好痕呀，要咬咬咬。唔知點解有一舊新既玩具係張床仔度，好香架，又可以食wor。我咬得開心到連佢地幾時出左街我都唔知tim。

咬咬

我好叻叻，尋日搵左d新野黎咬呀。一張張放係我個籠底既，我之前見佢地成日用黎係個地下度唔知搞咩架，個時又唔俾我咬wor。哼，我自己攞都有得咬喇。

好痕呀

我尋日搞到個地下好dirty呀，媽咪一返黎我就同佢say sorry喇，想佢抱我等我錫返佢麻。我見媽咪猛咁係個地下唔知做咩，又不停同我梳毛毛wor。尋日我又唔食野呀，d野食都唔好食既，媽咪氹我餵我，我就係咁易食左d囉。我想食個d脆脆個d食物呀，但食食下唔知點解又嘔返出黎wor，媽咪就話唔好食個d，要食返冇味個d呀。
我個身成日都好痕呀，唔知咩野好似咬咬我咁。媽咪日日同我按摩R痕都好似好擔心咁，尋晚突然無成成帶左我出街街呀。爹地俾我望街街，d野好得意呀。之後去左一張好高既枱度，有個人捉住我，又放d野係我耳仔，我唔鍾意呀!!!叫左幾聲跟住佢地又唔知滴左d咩係我頸頸度，我咬咬人又有個人彈我個下巴，痛死我喇~~
媽咪錫返我攬住我，我先冇咁驚咋。
之後返左屋企好晏訓，好早就訓lu~

後記:波仔開始每月20號滴Revolution。身痕因為有lice，多數從petshop那邊惹來的。

自己一個

呢幾日我好小見到爹地媽咪呀。一早起身媽咪就會幫我清潔，因為我晚晚都搞到個地下烏糟糟。hehe~~不過佢地都冇鬧我架。之後就係食野時候，尋日開始食新糧fromm既雞雞，好好食呀。我唔駛媽咪又氹又餵都自己食哂呀。跟住無幾耐就會有d好高既野圍住我。我就成日都只可以係個度行行同玩。一直自己一個玩波波，訓覺豬，飲水水，到間屋無咁光既時候我就再見返媽咪喇。跟住佢又要幫我清潔，又重覆做朝早既野。不過呢，之後媽咪就會猛咁同我玩，抱抱我錫錫我。
我尋日掛住玩，媽咪話我玩足四個鐘先訓呀。hehe~~
我好似聽到佢地話會買張新床仔俾我呀，唔知係咩公仔黎既呢，唔知食唔食得既呢。

三個月大呀

今日係我生日呀~~我三個月大喇~~不過媽咪話我唔可以出街街住架，要等打左兩次針針先wor。

爹地媽咪買左好多新玩具俾我呀，我揀左條繩繩玩先，又可以鬥力又可以咬咬，好好玩~~不過，都係有時咬下拖鞋俾佢地話下我好玩d~~ hehe~~

爹地話我8嚴wor，唔係呀，我活潑g ma~~

好舒服

媽咪頭先同我按摩，我舒服得濟訓著左呀。之後媽咪抱我返床仔再訓呀，點知冇幾耐爹地打電話返黎我又醒左，媽咪又要氹我訓‥

我成日都訓架

我一起身就要睇下到底媽咪係邊度，我唔敢郁架，都係等媽咪叫我呢，我先會走過去。我成日都聽到ｄ好怪既聲架，ｄ聲由一個長方形既野度走出黎既，媽咪問我係唔係想睇電視，我都唔知佢講咩。

爹地成日無成成放我入籠呀，次次都係人地尿尿左就放既，點解ｗｏｒ，咁我係個度尿尿開架麻，唔得既咩？

媽咪成日搵ｄ野黎整我ｄ毛毛，好痕架，又有ｄ痛痛ｗｏｒ，佢猛叫我唔好郁要咩梳毛毛，都唔知佢做咩既。

ｚｚｚ，我都係訓ｌｕ，我一晏訓就走去床仔架喇．．．

第二日喇

尋日我一早就起左身呀，成日不停同媽咪玩。有時媽咪又唔知點解好似好惡咁叫我，我最鍾意就係咬野，咩都要咬架我。媽咪訓覺我又訓覺。俾我發現左個好大既波波呀，我幾辛苦先可以咬到佢郁咋，我將我所有既玩具都放一齊，要搵起上黎易d麻。

第一日既相片

第一晚同媽咪訓

尋晚媽咪放左我去一個唔知咩既地方，好黑好黑架，跟住又搖黎搖去咁，無幾耐呢就放左我出黎。我見到有個籠喇，有張床仔喇，同埋好多野圍住我。我見到有位就出去出去，媽咪叫我唔好我都唔知點解唔好，咁明明出面好多位架麻，mud唔係全部都係我既咩。

我出左去之後周圍行周圍聞咁，不過又唔敢行開媽咪好遠呀，因為我其實呢好肚餓架。媽咪一俾野我食我好快就食完哂，之後佢放我入籠唔知做咩。等左一陣又放左我出黎wor。

無幾耐爹地返喇，佢好高呀，一返黎我好驚驚呀，佢又低音wor，唔似媽咪咁把聲軟d架麻。原來爹地買左個新玩具俾我，又同我玩左一陣，我唔驚驚佢lu。

我唔停想繼續係咁玩周圍咬野，我要睇熟哂個新環境先得架麻。我咬哂d玩具係張床仔度，唔俾人攞，玩玩下唔知點樣我就訓左lu。

一起身呢，好黑好恐怖呀，我就猛叫媽咪囉。爹地起左身見我叫好惡呀，媽咪一出黎叫我我都要吠多幾聲確定係媽咪先出個籠呀。之後媽咪就陪我玩，抱左我好耐‥

我見媽咪好晏訓，佢移左我張床仔係sofa側面，我就訓左係係個度，有媽咪陪住我訓我冇咁驚lu。

最後一夜

尋晚係最後一次媽咪要黎探我呀，因為我夜晚打左針，今日就可以返屋企lu!!

聽日就係喇

尋日媽咪黎睇左我兩次，第一次我訓左覺覺豬，第二次同爹地一齊黎。爹地仲同我影左好多睇唔清既相tim呀。我仲未打針針呀，哥哥話個醫生未有藥藥喎，點可以咁架。媽咪因為咁樣又好擔心呀。

當媽咪抱抱我時我有d緊張所以咳咳，媽咪又好緊張呀，好驚我有事呀。

聽晚就可以返屋企喇....

Talk to Me

尋晚媽咪又黎睇我呀，仲同我講買左個波波俾我。佢話我一定會鍾意喎，又唔肯講有咩秘密喎。好緊張呀，好快就可以返屋企呀，唔知我間屋係點既呢，張床仔好唔好訓既呢。

我的禮物

一早起身就見到媽咪，仲比佢見到我牙仔痕痕咬毛巾tim。抱左我一陣佢話要去買野俾我呀。買左張床仔喇、袋喇、食物、籠、玩具、梳、兜兜等等。媽咪話d床仔同袋仔用住先，遲d上網同我買過d靚靚日本狗仔野呀~~不過呢，我就要乖乖唔周圍尿尿先囉。

好消息

尋晚等左好耐媽咪先黎呀，媽咪話佢咁遲黎因為去左幫我睇床仔同飯兜喎。不過一黎就有好消息呀。個哥哥話我冇咳，今日會去打針針，星期六之後就可以返屋企喇。我見到媽咪個樣好開心呀。我今日好精神，係咁郁黎郁去，好想快d可以落地行行跑下呀。
媽咪好似想星期三晚帶我返去呀，跟住就請假兩日黎陪住我。老闆都覺得請返一兩日假陪我好d，梗係喇，我第一次住屋屋，好多野要習慣架麻。

第四晚

因為尋日天氣好凍，所以佢地就用布圍住我個籠。成日我都係冇咩野做呀，訓下覺8掛下咁囉。有隻玩具貴婦妹妹成日叫架，唔知佢係唔係好驚，定係佢媽咪好小黎見佢呢。夜晚6點幾我又見到媽咪喇，我要出去抱抱呀，媽咪摸得我好舒服，成日係我耳邊叫我個名。不過媽咪話今晚唔知有冇時間黎見我呀，佢話要去同我搞個5星級既家wor。

第三晚

天氣冷老闆帶左我去另一間分店留宿，個度有多d哥哥姐姐架。有只15歲大既老姊姊，我一見佢就想同佢玩呀，不過佢好似唔多理我咁既。

我要食藥藥呀，媽咪夜晚放工黎抱抱我，我唔捨得佢走呀。難得可以唔駛係個籠度，我想快d出去玩呀。唔知仲要留係度幾耐呢，店舖既叔叔話我好乖唔吠，反而個只貴婦bb就成日係度吠，煩死人呀~

媽咪尋日想同我影相，不過我就掛住想出去出去，hehe~

名字的由來

我雖然係一隻女仔，但係我個名叫波仔，係因為爹地媽咪一早係我未出世既時候已經同佢地未來既狗bb改左名架喇。當時佢地仲未知會養d咩狗，不過媽咪就其實一直都鍾意比熊犬架。可惜，比熊大哥身形太大隻，入唔到屋喇。之後媽咪係街成日見到一隻好似圓波波既松鼠狗，佢一見到就覺得呢只狗就exactly 等於波仔呀。
就係咁佢地就鎖定左目標係松鼠狗，因為似一個波又細隻麻。而點解揀女仔呢，就係媽咪怕左的的哥哥同chinchin哥哥周圍係d傢私角度尿尿囉。
所以呢，我叫波仔係有段故事架...雖然d人一聽到我叫波仔就好似好怪咁，但係我唔mind架，因為最緊要爹地媽咪鍾意我麻。 hehe~~

第一張相

今日下午媽咪買左個收音機俾我，預備第時佢返左工之後我悶，有d聲好d架。

今晚有d凍呀，夜晚等食飯既時候媽咪竟然黎左探我呀。我一見媽咪就好乖乖咁嗲佢，就算放左我落地下我都冇行開，要同媽咪玩玩。我當然要乖d喇，因為爹地望住架。我有個朋友仔猛撩我玩我都唔理佢呀。哼，佢又吠我又用手仔搞我，我係媽咪面前係乖女黎架麻，我唔會發脾氣架，我一聲都冇吠，媽咪幾開心呀。

爹地仲同我影左相呀，係我第一張相黎架..不過我就唔係好慣喇，唔知佢用d咩對住我。

我與媽咪

我叫波仔，係一只兩個半月大既松鼠狗女。兩個星期前開始係精靈寵物會出現。昨晚我終於見到媽咪同第一次被佢抱抱玩玩喇。
照顧開我既老闆話我有幾聲咳，唔俾媽咪帶我返屋企，要我等多一兩個星期先。又同媽咪講我係一只有d估惑既bb，又似大家姐咁。梗係喇，因為同我一齊住既芝娃娃bb都係我睇住架麻，老闆好衰架，教媽咪如果我唔乖想吠就打我咀咀，同用低沉既聲鬧我。hehe~~我俾佢睇通哂..知道哂我既脾性tim。不過唔緊要，我見到媽咪好錫我，我一定可以得佢歡心既。