小b強項

我最叻的技倆:

• 一早聽到媽咪起身(又或者係醒左)，我就9.9sec跑去錫佢，佢之後就一定會用張被包住自己，咁我就會繼續搞下佢，直到佢叫我唔好，我就會出返去
• 佢地出門口之前會俾d野我食，如果唔岩我心水呢，我就唔要，等佢再俾其他。呢招對daddy係最有用架。
• 佢地返黎之後一放我出黎，我就跑上sofa咬骨，一定唔會好似佢地叫我咁去尿尿先囉
  夜晚佢地坐sofa呢，我就挨埋去佢地度，又或者坐佢地大脾
• 訓覺之前呢，我一定會對媽咪請請，一請請佢就咩都應承我，我就有得錫錫佢囉
• 平時有d咩見媽咪唔理我，我都會請請架。佢就最心軟見我請請…
• 平時係走廊尿完之後，我一定會貼埋黎行，唔會自己踏上去架
• 我一覺得佢地想鬧我呢，我就會走去張chair底，一係就去搵媽咪
• 見佢地開始唔多理我呢，我就會放兩只手仔係面執面，訓係地下，佢地就唔忍心會理返我lu

要減肥呀

尋晚我食粒粒既時候吸左d粉粉，爹地好緊張又帶左我去睇醫生。醫生一見到我就叫我個名，佢地係睇住我大個女架。
醫生話我氣管好窄，好易就會吸到d野緊住唔舒服。佢又話我肥呀，只後腳既肉唔係好實，要減肥呀。同埋多d去游水練下d肌肉wor。
唉，即係話我要同d零食講bye bye喇。另外，游水係咩黎架，唔知有冇野食既呢。不如媽咪搵d野我食，食左只腳仔好仲好喇~~ hehe

山頂

星期六帶左我去山頂呀，我坐係架車車度幾開心呀。不過好多人望住我，奇怪我有車車坐wor，乜佢地咁架…狗狗bb車好耐架喇..好多狗狗都有架。
我地行左大半個鐘，我就好攰呀，其實我冇自己行架，不過周圍望野都好眼訓架。我一上返daddy架車車我就訓喇…一直到屋企先起身。返到去我都好攰，佢地又以為我又病病，其實我係眼訓姐，不過又要佢地擔心就唔係幾好意思囉..hehe
星期日冇成成有兩個小朋友黎左一陣wor，我又好緊張喇，搞到夜晚好早就訓左lu。
爹地媽咪話我好jar喎，成日都咁易眼訓，咩wor，咁我緊張麻，而且返到去屋企又有冷氣，我就易訓d架喇..haha

好返lu

我好返哂lu..上星期仲去左沖涼tim呀~~幾舒服呀
個姐姐俾左好多香香既野我，我成身都香香呀~
自從病之後我就食多左干糧，好似健康左咁呀~媽咪成日話我d bu bu好靚，又成日叫daddy唔好俾零食我。不過呢，daddy成日係媽咪唔知既情況下俾小小我架~~haha~~

發燒

星期日佢地帶左我去數碼港玩呀，見到好多狗狗。不過我冇同佢地玩呀，只係個地度跑跑。之後好攰攰，成晚都唔想郁要訓覺呀~~唔知咩事呀。
星期一我好唔舒服呀，媽咪返黎我都冇同佢玩，同埋我又痾痾，搞到pat pat好dirty，又想嘔wor。媽咪好擔心呀，我又好驚驚呀。之後同我去左睇醫生，都唔係平時睇開既女醫生黎既。我一去度間診所我就好精神，因為聽到好多狗吠呀，我唔想留係個度呀。醫生係咁摸我，又插d野係我個pat pat。之後又打針針wor。
聽爹地講我係發燒(40.5)，可能係尋日玩太熱又唔飲水水wor。
返到去我唔想郁呀，夜晚訓訓下又嘔嘔，係媽咪張床度呀，佢地都冇鬧我。
今日一早又食d唔知咩，又要食藥藥。不過我好d架，都郁多d，係好易又攰囉。快d冇事喇，唔係冇得出街玩架‥

我既相