沖涼呀

尋日去左沖涼..老闆話我唔乖呀..我最唔鍾意個d風聲架..嘈到死呀~~
我一見媽咪就好開心..要快d返home玩呀..係個度又冇野玩..其他d狗狗又嘈wor
返到去媽咪俾左d粉粉我食..怪怪地咁..不過又幾好食..佢話d毛會靚靚wor

新衫衫

去左個好多人同狗既地方

尋日好攰呀~~~起身冇幾耐就帶我出街街，坐左好耐車車呀。跟住就去左一個地方，見佢地用d fence圍住我wor，我梗係唔制喇..吠吠叫叫...之後無我辦法就放返我去個袋袋度...又去左唔知咩地方..我又冇得出去wor..

跟住又係坐車車..之後就抱左我落車..個太陽好哂呀~~熱熱呀...媽咪抱我行..去度一度好多狗吠呀..又見到好多人..好多只狗狗...

好多人摸我呀..又好多狗聞我wor..佢地一見我就話好細..好肥要減..怕羞..

去到一個counter..有個妹妹不停餵我食粒粒..好味架..我咪叫媽咪買俾我囉..之後見媽咪買左好多野..唔知幾多可以食既呢..

又鬧我

我尋日..又俾人鬧..不過係俾媽咪鬧..
因為呢..我好想要呢...sofa上既公仔呀~~
不過我聽到爹地話唔俾wor..話咩得一只既悟空..唔俾我呀~~
嗚~~~

貓咪陪我玩

一齊咬喇

唔玩囉~~食骨骨

唔好玩既..佢喊wor

個patpat都幾好咬

望咩呀~~

媽咪尋日俾左只貓咪我，我同佢幾好朋友~~~咬咬~~

靚唔靚呀

俾我update既樣你地睇下先

日本野

Ray 哥哥同Jeanne姐姐去日本買左野俾我~~

只獅子仔冇得玩lu...媽咪話我食哂d毛wor..

七個月大

今日我七個月大呀~~~
尋日爹地佢地既對話:

媽咪: 你大個女喇..七個月喇..
爹地: 唔係呀..佢仲係咁細只..仲係我既bb呀
媽咪: 就黎要轉糧呀，唔係小bb喇
爹地: 始終佢都係我地既小b喇

___________

佢地而家日日話我係大小姐，小霸王wor。咩wor，咁鬼叫你地寵我咩
哼，我聽到爹地話會再買多d唔同既零食俾我食，而唔要個d就俾的的同chin chin叔叔。你地睇我幾好呀..想同的的佢地分享..所以先唔食d餅餅咋..

我而家既一日既行程呢，就係咁:

大約見個天光左喇，我就會係出面喊喊，有時叫叫，話俾佢地知我起左身呀~~佢地快d黎同我玩呀~~

之後呢，爹地多數係出黎先，放我係sofa上面咬咬野，無幾耐就走入toilet囉。我有時係佢係toilet既時候會吠架，想媽咪都起身麻。

咁到媽咪都起左身，同我玩一陣佢地就忙忙忙。到佢地出門口，我知我一定會有d餅餅係床喇，所以佢地放我去個fence中我都唔心急食d餅餅，而地下又有kong玩具同粒粒。我唔制架，我要d好食d架，所以一定坐係度望住佢地等食好野。多數都會係包包餅又或者係膠膠。

佢地走左之後，因為個風扇吹住我好舒服，所以我食完d餅之後就訓架。

到唔知幾多點，媽咪就返黎。佢掃完個地地之後呢，我就要佢抱抱我上sofa咬玩具。我最like就係呢個時間，媽咪又係sofa陪我，間唔中又要我鍚鍚佢wor。有時我enjoy到爹地返黎我都唔理佢架。我唔想落sofa麻。不過呢，我要上都好易架。我咬住個玩具企係側面，又或者吠一聲，用手手叫佢地，佢地就抱我上sofa架~~

夜晚我最開心既時候就係梳毛時候。媽咪一同我講梳毛毛我就知道要坐上sofa。我好like架，有人同我RR，又會靚靚。不過我次次想自己咬住把梳都俾媽咪鬧既。梳完毛就有我favourite既鯊魚餅干食。有時佢地會俾我去佢地張床床到玩架，我係個度又跳又咬都好開心架~~

又鬧鬧

尋日我又俾爹地鬧呀~~嚇到我尿尿左都唔知呀~~
我想即刻飛去媽咪度架，不過爹地唔俾呀~~
嗚嗚~~我最多以後唔吠囉..爹地好惡呀

我成日都係咁坐..咁咬..咁樣望住鏡頭架~~

哼，你地望咩呀~~我成日都上sofa架喇~~e個係我個位黎架~~

我既朋友仔

我近日既朋友仔有青蛙呀、豬仔呀、牛仔、兔仔同埋小豬。佢地成日咬我架。哼，我咪咬返佢地囉。青蛙仔隻眼變左白色喇~~haha~~同我鬥，未死過!!!

細妹?細佬?No way

佢地上星期去左pet shops，見到好多只我既同類。聽返媽咪講，爹地想買多一只黎陪我wor，不過媽咪就好堅持唔買多只。因為媽咪話唔知到時會唔會偏心，會唔會同我唔慣wor。
係呀~~我唔要架~~~我要做獨女呀~~~
如果多一只，我d餅餅咪會俾佢食囉..又要同佢share 爹地媽咪wor。唔得呀!!!!!

又俾人鬧呀

尋晚媽咪返左黎一陣又走左呀~~~得一舊新既綠色骨骨陪我咋~~佢地一返黎我就好開心，點知冇幾耐佢地又訓。我都唔想訓，咪想爹地同我玩玩囉，點知玩玩下佢嬲嬲我呀，鬧我呀~~
好慘呀~~~唔逍夜晚係唔玩得既咩?咁人地都唔想訓覺麻...

靚靚

係..咩事

鞋..

見唔見到呀~~我有兩只鞋呀~~都係我架~~

零食

佢地一方面又話我肥女..好重..一方面又買好多唔同既野俾我食..都唔知佢地想點架..

我的新床

新買架~~又係士多卑利呀~~不過..我都係like我張舊床仔多d..hehe~~