講我壞話呀

我呢幾日成日聽佢地講野呀。一聽到小b呢個名，就知佢地話我，我就要聽清楚到底講咩呀。好多時呢，佢地同我講完野之後就有野食架，所以佢地一叫我，我坐埋去望住，間唔中自動hand hand，就有野食。
有時我周圍wee wee，我知佢地話我架。我咪4只腳爬係地下，只眼向上望囉。唔敢亂行架。
爹地一放工返黎就會問媽咪我乖唔乖，好似尋日咁，媽咪同佢講我乖乖，爹地即刻俾餅餅我呀。不過呢，如果我吠吠，佢地就好惡咁話我呀。我其實都係想叫佢地g ma。