自己一個

呢幾日我好小見到爹地媽咪呀。一早起身媽咪就會幫我清潔，因為我晚晚都搞到個地下烏糟糟。hehe~~不過佢地都冇鬧我架。之後就係食野時候，尋日開始食新糧fromm既雞雞，好好食呀。我唔駛媽咪又氹又餵都自己食哂呀。跟住無幾耐就會有d好高既野圍住我。我就成日都只可以係個度行行同玩。一直自己一個玩波波，訓覺豬，飲水水，到間屋無咁光既時候我就再見返媽咪喇。跟住佢又要幫我清潔，又重覆做朝早既野。不過呢，之後媽咪就會猛咁同我玩，抱抱我錫錫我。
我尋日掛住玩，媽咪話我玩足四個鐘先訓呀。hehe~~
我好似聽到佢地話會買張新床仔俾我呀，唔知係咩公仔黎既呢，唔知食唔食得既呢。